Kámara Munisipál né autoridade husi governu lokal nebe ukun munisípiu Dungannon & South Tyrone. Munisípiu ida né bot, ho área ida besik 315km², husi Lough (bee-lihun) Neagh to fronteira ho County (kondadus) Fermanagh no Monaghan. Populasaun besik 50.700 hela iha munisípiu ida né nia laran. Nia ekonomia iha baze makas husi ninia agrikultura no ninia fábrikas oin-oin.
Kámara Munisipál hakarak hato’o ninia boasvindas ba traballadór imigrante sira nebe mai iha rai né no simu katak imigrante sira kolen no servisu ba dezenvolvimentu sosiál no ekonómiku iha munisípiu ida né. Kámara Munisipál ida né haka’as nia an ba halo promosaun, fo apoiu makas ba atu iha respeitu ba kultura oin-oin, no iha obrigasaun tuir lei atu hasoru no halakon problema rasismu nian. Munisípiu ida né iha kompromisu ba atu servisu ba ema hotu-hotu, rai-nain no imigrante sira atu hetan oportunidade hanesan ba hotu-hotu. Kámara Munisipál ida né iha kontrolo diretu ba servisu lokál oin-oin no mos nia iha papel reprezentativu no konsultivu kona ba halo nusa mak atu hala’o servisu públiku iha munisípiu laran.
Servisu nebe Kámara Munisipál iha responsabilidade mak tuir mai né:

• Rejistu Moris, Mate no Kaben. Oráriu Funsionamentu  – Segunda to Kinta husi tuku 9h to tuku12h30 no husi tuku 14h to tuku 16h30. Sesta husi tuku 9h to tuku 12h30 no husi tuku 14h to tuku 16h.
• Relasoens Komunitárias no Servisus Komunitárius.
• Eventu/Festa – Klik iha né kona ba eventu/festa nebe sei hala’o iha munisípiu laran.
• Sentru ba Lazer– Klik iha né kona ba Sentru ba Lazer nia informasaun.
• Parke Dungannon - Klik iha né kona ba Parke Dungannon nia informasaun.
• Ekipamentu / Fatin ba halo desportu nian, Jardim no fatin ba halimar nian.
• WC públiku no sentru ba resiklajen.
• Aktividade artístiku no kultural.
• Kontrolo ba barullu no poluisaun.
• Foti foer no Resiklajen.
• Hamós estrada no halo jardim.
• Rate
• Dezenvolvimentu ekonomia lokál.
• Projetu ba hadia ambiente iha vilas no sukus.
• Turizmu
• Lisensa ba halo obras, Kontrolo no Rejistu Asu, Inspesaun ba fatin fan hahan, Saúde no Seguransa iha servisu fatin, Saúde Públika.

Oráriu Funsionamentu
Segunda – Sesta husi tuku 9h00 to tuku 17h00

Kámara Munisipal bele bolu ema intérprete wainhira presisa atu ajuda ema públiku ho staff sira komprende didiak sa ida mak koalia ba malu. Kámara Munisipál mos iha dokumentu barak nebe traduz tiha ona ba lian Tetum.

[hyperlink to services that have translated information available]

Servisu ba Kámara Munisipal
Link ida né ho lian Inglés iha informasaun kona ba atu servisu ba Kámara Munisipál.
https://dungannon.erecruit.co.uk/erecruit/hopany/jobs.do

Kámara Munisipal la iha responsabilidaba kona ba sa ida mak hakerek iha links sira né

Animate: Projetu estratéjiku ba igualdade traballadór imigrante sira husi Kámara Munisipal Dungannon & South Tyrone ho parseria hamutuk ho STEP South Tyrone Empowerment Programme no ho finansiamentu husi Departament of Social Development- Departamentu ba Dezenvolvimentu Sosiál.
Link ho lian portugés: http://www.animate-ccd.net/portugal.htm

STEP: (NGO) Projetu fo Apoiu ba Traballadór Imigrante]
[links ho esplikasaun, wainhira simu ona autorizasaun husi http://www.stepni.org]

Ita Nia Direitus iha Irlanda Norte Matadalan ba traballadór Imigrante (Law Centre – Sentru Jurídiku, Animate, Komisaun ba Direitus Umanus Irlanda Norte)

Kópia Matadalan ho lian Tétum
http://www.lawcentreni.org/Publications/EEA%20Tetum%20Web.pdf

Kópia Matadalan ho lian Inglés no lian seluk
http://www.lawcentreni.org/Publications/Publications.htm#Migrant%20workers

Sentru ba Lazer Dungannon
Sentru ba Lazer ida né iha pixina, fatin ba halo desportu koletivu ho estúdiu ba fitness. Sentru ba Lazer iha aktividade barak ba ema hotu-hotu hanesan yoga, aqua-fit, muskulasaun, aeróbika, step aeróbika, basketball, jinástika, nani, aquabelts, futebol salaun,etc.Sentru ba Lazer iha mos projetu oin-oin nebe hala’o iha komunidade laran. Favor ida klik iha né (hakerek ho lian inglés) kona ba ami nia fatin, aulas, kursus ho folin.

Parkes ho Kampus ba halo Desportu

Kámara Munisipál iha no kaer parkes, fatin ba halo desportu no fatin ba halimar nian, barak iha munisípiu nia laran, informasaun kona ba fatin sira né bele hetan husi:

Kontaktu:

Dungannon Park
Park Lake
Moy Road
DUNGANNON
Co.Tyrone BT71 6DY
Tel: 028 8772 7327
Fax: 028 8772 9169

Parke Dungannon iha Moy Road, dalan ba atu sai husi Dungannon mak parke principal Kámara nian. Parke né ho 28,3ha, iha bee-lihun ida iha ninia klaran. Fatin né kapas no diak ba ita bele ba deskansa no ba passear.

Ekipamentu

Parke Dungannon iha aktividade oin-oin hanesan peska, ténis, futebol, kriket, fatin ba labarik sira halimar, fatin ba tunu hahan no dalan barak ba ema nebe hakarak la’o halimar.
Parke Dungannon iha mos fatin 12 ho tomada elektrika ba ema nebe iha karavana no fatin ba tenda 8. Ita selu £8 kalan ida ba fatin ita monta ita nia tenda, selu £10 kalan ida maibe la iha eletrisidade ba ita nia karavana no selu £12 kalan ida se karik ita hakarak iha eletrisidade ba ita nia karavana.

Peska iha Parke nia bee-lihun
Ema barak, nebe gosta peska, tinan-tinan mai bebeik Parke Dungannon peska iha ninia bee-lihun.

Ita bele peska ho ró, hamrik iha plataforma peska nian ou peska iha bee-lihun nia ninin. Parke Dungannon iha mos ró “wheelyboat” ba ema sira iha defisiénsia.

Festa 2007

Tinan ida né, 2007, tinan ida nebe Kámara Munisipal Dungannon & South Tyrone komemora tinan 400 ba akontesimentu “Flight of The Earls” no “The Plantation of Ulster”. Ba komemora akontesimentu sira né, Kámara Munisipal sei hala’o festa no eventu barak hanesan múzika, teatru,festa iha komunidade laran, hala’o aktividade iha desportu no aktividade históriku.
Iha tinan ida né, Kámara Munisipal sei loke fali kastelu O’Neill nian iha Castle Hill, iha sidade nia klaran.

Festa balu ba tinan 2007

Loron Lituánia nian – 2 Fevereiru 2007
Fatin -  Dungannon Leisure Centre/Sentru ba Lazer Dungannon nian
Tama la selu
Iha loron Lituánia nian sei iha torneiu basketball, konsertu múzika no festa resepsaun ida ho Sr. Jim Hamilton prezidente Kámara Munisipál Dungannon & South Tyrone no mos ho Sr. Vygaudas Ušackas, Sua Exselénsia Embaixador husi Repúblika Lituánia. Atu hatene tan informasaun favor ida telefone mai 877 20341.

• Charlie Donnelly Winter School – Eskola iha Invernu Charlie Donnely
• Dash of Scotch Street Run – Halai tun Scotch Street
• Brass in the Valley  - Muzika ho bandas iha Valley
• Mayor's Pageant  - Desfile ho Prezidente Kámara
• Branny Ramble – La’o / Passeiu Branny Ramble
• Bush Road Races – Motor halai taru iha Bush
• Musical Concert at Dungannon Park – Konsertu Múzika iha Parke Dungannon
• Picnic in the Park – Pikenike iha Parke
• O'Neill/Plantation Living History Exhibition – Espozisaun istória nian kona ba O’Neill/Plantation
• Parnell -- the Legacy in East Tyrone – Parnell – Nia legadu/istória iha East Tyrone
• Felix McCullough Road Race – Mini maratona Felix McCullough
• Halloween Spooktacular – Festa Loron Buan
• Christmas Lights Switch-On – Festa inaugurasaun ahi Natal nian
• Festive Food Fayre – Festival Hahan nian
• Christmas Craft Fayre – Festival Artezanatu Natal nian

Iha tan festa no eventu barak kona ba istória, teatru, desportu no mos kona komunidade nebe hala’o iha munisípiu laran. Favor ida hare iha jornal lokál kona ba festa sira né no kona ba Matadalan ba Festa no Eventu ba tinan 2007 iha Dungannon.
Mai hotu halo parte iha festa sira né.
Se karik ita halo parte iha grupu ida iha komunidade laran no ita hanoin atu halo eventu ou festa ruma ba tinan oin, ami bele hatama ita nia ideia iha ami nia promosaun. Iha osan ba atu fo apoiu ba eventu/festa komunidade nian. Atu husu apoiu né, favor ida koalia ho seksaun Dezenvolvimentu Komunidade nian – Community Development  iha Kámara Munisipál husi 028 8772 0300.